Elisa Spiropali, në një intervistë për emisionin “Kjo javë” në televizionin “News 24”, ka folur edhe për meme-t dhe sulmet që i bëhen shpesh në rrjetet sociale. Ministrja e Shtetit ka thënë se është diçka që e merr përsipër, pasi është një person që flet dhe mban qëndrime. Gjithsesi, ajo ka thënë se gjuha denigruese është e papranueshme.
“I merr përsipër, kur je një person politik, kur shfaqesh shumë, kur je person që flet dhe mban qëndrime, patjetër do kesh dhe sulme do kesh edhe kundërshti të tilla. Ajo që është e papranueshme për mua dhe për politikën dhe sidomos për gratë, janë përpjekjet për të fyer dhe për të denigruar. Unë nuk merrem fare. Ajo që thoni ju nuk më prek, sepse kam pasur gjithmonë një besim te vetja, sepse besoj te ajo që bëj. Unë familjen e kam shumë të fortë, ata e kuptojnë se sulmet politike janë pjesë e lojës, në vitin e fundit përbaltjet, fyerjet, gjuha politike është ashpërsuar shumë. Janë hedhur bojë, çizme, janë përmendur të vdekurit, të gjallët, gratë, fëmijët”, ka thënë Spiropali./Opinion.al
