Eshtë arrestuar sot në Vjenë Blenard Fejzullai, një nga trafikantët e mëdhenj të lëndëve të forta narkotike. Edhe pse ishte dënuar në Itali me 12 vite burg ai jetonte në liri dhe mendohet se pjesën më të madhe të kohës ka qenë në Shqipëri.
Por Fejzullai nuk është emër i panjohur as për drejtësinë në Shqipëri ndonëse aktivitetin më të madh të fushën e trafikut të drogës e pa patur jashtë vendit.
Në muajin mars të vitit 2016, Blenard Fejzullai u arrestua nga Policia e Tiranës. Por Gjykata e Tiranës nuk ka pranuar kërkesën e prokurorisë për njohjen e dënimit të dhënë nga shteti italian.
Për rrjedhojë, miku i Arjan Selimit, i ekzekutuar disa vite më parë,
është liruar nga burgu në qershor të vitit 2016, raporton Tv Klan.
Gjykata ka vendosur “Mosnjohjen e efekteve juridike në shtetin
shqiptar të vendimit penal të huaj, të Gjykatës së Milanos të Shtetit
të Italisë të dhënë ndaj shtetasit shqiptar, Blenard Fejzulla, alias
Ermal Mali, për shkak se për të njëjtin fakt dhe ndaj të njëjtit person
në shtetin shqiptar është dhënë një vendim penal i formës së prerë”.
Blenard Fejzullai ka qenë i dënuat në Shqipëri me 6 vjet burg për
akuzën e trafikut të drogës.
Në Itali rezultonte i dënuar me 12 vjet heqje lirie për trafik droge dhe
pjesëmarrje në organizatë kriminale. Fejzulla njihet si një nga
anëtarët e grupit “Kompas” që drejtohej nga Armand Andoni alias
Arjan Selimi.
Selimi është ekzekutuar me disa plumba poshtë pallatit të tij. Ai ka qenë i dashuri i artistes së njohur, Ines Gjoni.
