Njerëzit shkojnë nëpër club-et e natës për të kaluar mirë me shoqërinë, ndoshta për të takuar dikë, por kurrsesi s’presin që të bëhen meme në internet.
Megjithatë, me Patrick Richie-n dhe Lucia Gorman-in ndodhi krejt e kundërta.
Një foto ku Sophia s’duket aspak entuziaste për bisedën e Patrick-ut u shkrep nga fotografi i një club-i në Edinburgh. Fotografia u bë virale disa orë më vonë.
Menjëherë pas publikimit, fotoja e dy të rinjve u shpërnda kudo.
Meidat kontaktuan me Sophia-n dhe Patrick-un, të cilët treguan se as që e kishin idenë se fotografia e tyre ishte shpërndarë kudo dhe njerëzit kishin nisur të talleshin.
“Ne kemi qenë bashkë në shkollë dhe kishim shumë kohë pa u takuar. Fotoja e famshme është shkrepur në momentin kur sa jemi takuar. Ju e dini, kur jeni në club duhet të flasësh me zë të lartë se nuk dëgjohet”, rrëfeu Patrick.
“Mendoj sa ka qenë në përfundim të mbrëmjes. Isha pak e lodhur dhe ndoshta kjo shpjegon mimikën e fytyrës sime”, shtoi Sophia.
Të rinjtë shpjeguan se pavarësisht të gjithave, e kanë marrë si shaka . Patrick do të donte të ishte veshur më mirë, ndërsa Sophia të rregullonte makeup-in, por koha nuk kthehet pas.
Kështu nga larg, të bëhesh meme nuk qenka dhe aq keq.
