Kreu i Partisë Demokratike, Sali Berisha pas përfundimit të protestës së opozitës përpara parlamentit, në një prononcim për mediat para selise blu është pyetur në lidhje me paraqitjen e Ilir Metës në SPAK për dosjen CEZ-DIA.
Berisha tha se SPAK është seksioni juridik i Partisë Socialiste, ndërsa duket se anashkaloi pyetjen dhe vijoi të flasë çështjen “Rama-McGonigal”.
“SKAP i Partisë është seksioni juridik i Partisë Socialiste. Këtë nuk ka njeri që nuk e ka marrë vesh deri më sot. Merrni ju tani për një moment, është kryer një veprimtari në shekull mafioze, nga Edi Rama, nga Sorian Duçka, Agron mezat të cilët kanë dal në shteg të një njeriu me një post me zë në botë për sigurinë për të hetuar PD. Kjo na mjafton po të kishte integritetin me themelor, një nga ata prokuror për të hapur çështje e për t’i futur prangat. I futin thikë pas shpine parterit tonë strategjik. Enver Hoxha po të ngrihej nga varri do ta shpallte Ramën heroin e popullit Shqiptar, aktin e tij, Ai po kryen një akt anti-amerikan më shumë se kushdo. Dhe SPAK hesht në një kohë kur dhe muret dhe restorantet e Tiranës dëshmojnë dhe gjobat vendosnin Neza dhe Rama ndaj biznesmenëve shqiptarë. Pra SPAK nuk heton, nuk ekziston”, është shprehur Berisha.
I pyetur nga gazetarët se pse nuk e padisin Partinë Socialistë, Berisha është shprehur se nuk mund të paditet Kryeministri.
“Si mund të padis unë PS-në, kryeministrin e Partisë Socialiste”, tha Berisha./Opinion.al
