Një ndeshje e luftuar si në fushë ashtu edhe jashtë saj, ka qenë ajo e djeshmja midis Vllaznisë dhe Skënderbeut, e luajtur dje për Kupën e Shqipërisë në fushën sportive “Reshit Rusi” në Shkodër.
Në minutën e 34 një dylyftim ajror midis mbrojtësit Antonio Marku të Vllaznisë dhe Ademir Soza të Skënderbeut, solli një përplasje të fortë kokë më kokë, dhe si pasojë dërgimin e dy lojtarëve me urgjencë drejt spitalit. Ndeshja përfundoi 0-0 dhe për fat të mirë pa probleme serioze për dy kundërshtarët.
Ja edhe reagimet e futbollistëve pasi morën ndihmën e parë
Antonio Marku
“Ishte diçka që ndodh në futboll. Po kërkonim që të dy topin, por në momentin e dyluftimit kam ndier goditjen e kundërshtarit. Falënderoj mjekët për ndërhyrjen e shpejtë. Pasi kryem të gjitha ekzaminimet, doli që e çara ishte e thellë, por pa probleme të tjera.
Ademir Soza
“Nuk ishte asgjë serioze, për fat të mirë kaloi shumë kollaj. Mora mjekim të specializuar në spital dhe besoj se pas dy-tri ditësh do të jem në stërvitje me ekipin”.
