Nota aspak optimiste ka përdorur Ilir Meta gjatë fjalës së tij në Konvetën Zgjedhore të LSI-së ndërsa po fliste për situatën në vend dhe nevojën për optimizëm që sipas tij duhet dhe mund ta ushqejë filozofia politike e LSI-së.
“Shume familje nuk kanë mundësi të mbyllin muajin dhe nuk kanë mundesi as të festojnë”- deklaroi Ilir Meta gjatë fjalës së tij ndërsa shtoi se ndaj ne jemi këtu të kërkojmë zgjidhje tek potencialet e shumta për të cilat ka nevoje Shqipëria”.
Meta theksoi se ky vend nuk është aty ku duhet të ishte, ne duhet të prodhojmë atë që themi të gjithë kudo, një shans më të mirë për një Shqipëri më të begatë.
Ndërkaq, ai bëri me dije se LSI, dëgjon çdo zë konstruktiv ngado që vjen. “Ne dëgjuam zërin e maturantëve dhe jemi të keqardhur që sugjerimet tona nuk u dëgjuan”, tha Meta.
“Ne kemi qëndruar besnikerisht koalicionit me PS-në duke patur si busull interesat dhe detyrimet ndaj qytetarëve te ketij vendi. Duhet të ketë një përpjekje të vazhdueshme për të dëgjuar e për të mësuar nga njëri tjetri pasi aktet e nxituara prodhojnë tensione të panevojshme jo vetëm brenda koalicionit. Unë besoj se koalcioni ka ende energji për të maturuar sfidat zhvillimore. Janë shënuar shumë arritje, por nuk ka asnjë vend për vetkënaqësi”, tha ai.
