Tetë vitet e presidencës në Shtëpinë e Bardhë, duket se do vazhdojnë ti sigurojnë Barack Obamas shuma të marramendëse. Sipas mediave amerikane, ish-presidenti i SHBA-së është ftuar të flasë në një konferencë të Wall Street në këmbim të gati gjysmë milioni dollarë.
Ai u larguar nga Shtëpia e Bardhë pothuajse para 100 ditëve dhe pas disa pushimeve është rikthyer në jetën publike të amerikanëve. Ai do të paraqitet në konferencën e kujdesit shëndetësor në Cantor Fitzgeralds LP si folësi kryesor.
Sipas Fox Business, Obama ka nënshkruar kontratën për ngjarjen, por kompania është duke pritur të finalizojë aranzhimet e fundit me ish-Presidentin para se ta bëjë të ditur publikisht vendimin.
Ndërkohë kujtojmë se Obama dje për herë të parë është paraqitur para publikut në Çikago që nga largimi si president i SHBA-ve në janar të këtij viti.
Ish-Presidenti zbuloi se projekti i tij i parë pas Shtëpisë së Bardhë do të përqendrohej në nxitjen e brezit të ardhshëm për t’u bërë më i politizuar dhe i angazhuar qytetarisht.
