Detaje të reja dalin afro 2 ditë pas prangosjes së Emiljano Shullazit, në ambientet e Drejtorisë së Policisë së Tiranës. Ky i fundit i ka mohuar akuzuat. Gjatë marrjes në pyetje 38-vjeçari nuk është treguar bashkëpunues me organin e akuzës, duke thëne se,“të gjitha akuzat e ngritura ndaj tij, do të rrëzohen shumë shpjetë”.
Po kështu, Shullazi ka kaluar në sulm në drejtim të prokurorit të Krimeve të Rënda, Besim Hajdarmataj, pasi i ka pohuar se, veprat penale ndaj tij janë të motivuara politikisht.
Të njëjtin qëndrim kanë mbajtur edhe Gilmando Dani e Blerim Shullazi. Sipas Prokurorisë së Krimeve të Rënda, grupi po mbahej nën vëzhgim prej më shumë se tre muajsh.
Provat e grumbulluara provojnë se janë kryer edhe aktivitete të tjera kriminale.
Një pjesë e përgjimeve janë bërë nga SHISH-i me kërkesë të organit të akuzës. Mbi Shullazin rëndojnë katër akuza, “kërcënim për marrje të pronave”, “vendosje eksplozivi”, “krijim i grupit të strukturuar kriminal” dhe “armëmbajtje pa leje”.
