Ndarja e parakohshme nga jeta e një ylli në ngjitje ka prekur mijëra zemra. Ngushëllime pa fund në rrjetet sociale nga fansa të Ergit por edhe nga artistë të njohur.
I riu nga qyteti i Shkodrës, Ergi Dini, kishte arritur që të fitonte zemrat e shumë njerëzve me performancat e suksesshme në skenën e ‘X Factor’ ku u shpall fitues.
Më poshtë janë edhe disa nga ngushëllimet që kanë shprehur artistët shqiptarë, si Vedat Ademi, Aurela Gace, Besa, etj.
“Lajm i hidhur qe ne mengjes heret… Ngushellime familja Dini për djalin e tyre, si edhe ngushellime familjes se shokut te tij. Ergi ishte nje talent nga nje familje artistesh dhe mjaft pozitive. Nje djale me ambicje dhe kurajo. Nje fryme e re ne artin shqiptar. Por u nda shpejt nga kjo bote. Uroj qe ky makth aksidentesh qe ka perfshire ne menyre masive shoqërinë e ketij vendi, te mbaroje sa me shpejt”, shkruan Big Basta.
Ergi Dini dhe shoku i 21-vjeçari Kejdi Halili humbën jetën tragjikisht mbrëmjen e djeshme. Ata udhëtonin me motor në zonën e Bllokut kur u rrëzuan duke marrë plagë të forta në kokë, që rezultuan fatale për jetët e dy të rinjve.
