Sot ministria e Arsimit deklaroi se ka urdhëruar shtyrjen e datës së zgjedhjeve në Universitet për Rektor dhe anëtarë senati.
Pas këtij urdhri ka reaguar rektori i Universitetit të Tiranës, Mynyr Koni. Ai ka përshëndetur vendimin e MAS, që shtyhu zgjedhjet për shkak të fatkeqësisë natyrore të shkaktuar nga pandemia e Covid 19.
Koni siguron që procesi zgjedhor që do të zhvillohet do përmbushë të gjitha parimet kushtetuese.
“Si Rektor i Universitetit të Tiranës, shpreh falenderimet dhe njëkohësisht përgëzimet e mia, për Ministren e Arsimit, Sportit dhe Rinisë, për nxjerrjen e Urdhërit nr.108 datë 08.05.2020, me të cilin, shtyhet data e zgjedhjeve për autoritetet dhe organet drejtuese në institucionet publike të arsimit të lartë, për shkak të gjendjes së fatkeqësisë natyrore të shkaktuar nga pandemia e Covid 19. Pas përcaktimit të datave nga Ministri i Arsimit, Sportit dhe Rinisë, për hapjen e procesit zgjedhor dhe datës së zhvillimit të zgjedhjeve, ju siguroj se autoritetet dhe organet drejtuese të Universitetit të Tiranës, do të vijojnë në mënyrë të menjëhershme me përgatitjen e zgjedhjeve, me qëllim zhvillimin e tyre sipas të gjitha hapave dhe procedurave ligjore, të përcaktuara në Rregulloren e Zgjedhjeve. Procesi zgjedhor që do të zhvillohet në Universitetin e Tiranës, do të përmbushë të gjitha parimet kushtetuese; do të zbatojë ligjin e arsimit të lartë 80/2015 dhe të gjitha aktet nënligjore në fuqi; do të jetë një proces transparent dhe gjithëpërfshirës.”,- tha Koni./ Opinion.al
