Është shtyrë sërish seanca gjyqësore në Gjykatën e Apelit të Krimeve të Rënda për Emiliano Shullazin dhe grupin e të pandehurve të tjerë.
Bëhet e ditur se seanca është shtyrë për shkak të shkarkimit nga vetingu të një prej gjyqtarëve të çështjes, Arben Vrioni.
Tashmë trupa gjykuese është me 2 anëtarë duke e bërë të pamundur zhvillimin e gjyqit. Kryesuesja e këtij trupi gjykues, Albana Boksi ka relatuar se Apeli i ka dërguar shkresë Këshillit të Lartë Gjyqësor, me kërkesë për delegimin e një gjyqtari të ri.
Seanca gjyqësore e radhës është caktuar në datën 2 dhjetor. Në 2018-ën, Emiliano Shullazi është dënuar me 14 vjet burg nga Gjykata e Krimeve të Rënda për akuzat e e gjobëvënies dhe krijim të grupit të strukturuar kriminal.
Ndërsa për katër anëtarët e tjerë të grupit u caktuan masat 12 vite heqje lirie për Gilmando Danin, 10 vite për Indrit Qyqjen dhe Indrit Zelën, ndërsa u dënua me 9 vite Blerim Shullazi.
Gjithashtu në vendimin e Gjykatës thuhet se asnjë prej të dënuarve nuk do të mund të përfitonte lirinë me kusht. Shullazi dhe pjesëtarët e tjerë të grupit apeluan vendimin dhe kjo çëshje po zgjat prej më shumë se një viti.
