Në një deklaratë për shtyp, ministrja e Arsimit, Sportit dhe Rinisë, Besa Shahini lajmëroi se ditën e nesërme, mësimi do të nisë pjesërisht në ato shkolla të cilat rezultojnë të sigurta.
Shahini deklaroi se në Kurbin, Vorë dhe Tiranë mësimi do të nisë më datë 9 dhjetor, e ndërsa në bashkitë e tjera më datë 5.
“Nesër do fillojë mësimi pjesërisht në qarkun Lezhë. Në bashkinë Lezhë, një shkollë e dëmtuar në Lezhë, shkolla e Shën Kollit, kemi marrë masat për zhvendosjen. Bashkia Kurbin ka një numër më të madh të shkollave të dëmtuara ndaj mësimi fillon më 9 dhjetor. Qarku Tiranë, bashkia Rrogozhinë, dy shkolla të vogla me probleme janë sistemuar, ndaj mësimi fillon nesër. Bashkia Kamëz ka një shkollë të dëmtuar por mësimi nis nesër. Bashkia Kavajë ka 2 shkolla të dëmtuara, të cilave u është siguruar transporti, mësimi fillon nesër. Bashkia Vorë ka një shkollë të dëmtuar seriozisht, në Vorë nis mësimi më datë 9 dhjetor. Bashkia Tiranë, përveç Pezës ku shkolla është jashtë funksionit nuk ka shkolla të tjera që kanë dëme për t’i nxjerrë jashtë funskionit, por kanë dëme mesatare, ndaj mësimi në bashkinë Tiranë fillon më datë 9 dhjetor. Për kopshtet dhe shkollat private të hënën nxora urdhër që kopshtet duhet të marrin një konfirmim para se të rihapen, të kemi konfirmim nga instituti që ka bëre vlerësimin e shkollave të tjera, që të jemi të sigurt. Për të gjitha shkollat publike që rrezikojnë mos hapen as më 9 dhjetor do i cojmë në shkollat pritëse, për këtë kemi siguruar transport dhe kemi ndarë e buxhetin. Shkollat private që dalin me probleme me godinat pronarët të depozitojnë planet e zhvendosjes së nxënësve e do e monitorojmë me kujdes”, u shpreh Shahini./Opinion.al
