Gjykata e Posaçme shtyu më 1 dhjetor seancën e radhës së Laert Haxhiut. Prokuroria do të relatojë provat shkresore dhe më pas do të lexohet pretenca.
Kjo shtyrje u bë me argumentimin për t’i dhënë kohë avokatit të caktuar që të njihet me dosjen e tij dhe prokurorisë për të paraqitur provat shkencore.
Avokati Detar Hysi i kërkoi sërish gjykatës që të hiqte dorë nga mbrojtja e Laert Haxhiut, pasi ky i fundit nuk ka shprehur pëlqimin që të përfaqësohet nga Hysi.
Trupi gjykues e kryesuar nga Erjon Cela relatoi se Hysi duhet të qëndrojë deri në zëvendësimin nga avokati kryesisht.
Kujtojmë se pas dëshmisë së të penduarit të drejtësisë Ardian Tafani, Laert Haxhiu dyshohet gjithashtu për 6 vrasje të pazbuluara, si organizator dhe porositës i tyre./Opinion.al
