Sot pritej që Gjykata e Posaçme kundër Korrupsionit dhe Krimit të Organizuar ti komunikonte akuzat “grupit Avdylaj” të dosjes “339” por seanca u shty për shkak të mungesës së njërit prej prokurorëve në sallë.
Astrit Avdylaj, personi që doli në përgjime duke biseduar me ish-kryebashkiakun e Durrësit, Vangjush Dako, ka kërkuar ballafaqim me dy prokurorët e dosjes, Vladimir Mara dhe Dritan Prenci. Vladimir Mara nuk ndodhej në sallë, ndërkohë që Avdylaj pretendoi se prokurorët kanë manipuluar provat.
15 personat e dyshuar si pjesë e një organizate kriminale do të njihen me akuzat në seancën e datës 16 janar.
Personat nën hetim, të dyshuar si pjesë e bandës Avdyli janë: Hajri Seferi, Astrit Avdyli, Saimir Gjepali, Altin Avdyli, Fatos Llaftiu, Esat Mehmeti, Gjevi Ndoka, Hekuran Hoxha, Xhevit Shuti, Flamur Celaj, Vehbi Berushi, Jasin Kala alias Avdyli, Shkelqim Avdyli, Denis Llaftiu. /Opinion.al
