Pasi Gjykata e Posaçme shtyu më 11 korrik seancën për informacion 2 mujor të ish-kryeministrit Sali Berisha dhe dhëndrit të tij Jamarbër Malltezi, ka reaguar avokati i tij Genc Gjokutaj.
Në një deklaratë për gazetarët, Gjoktutaj u shpreh se këto shtyrje janë të kota pasi sipas tij nuk kanë fakte.
“Ne që kërkojmë zëvendësimin e masës, e kërkojmë se mungon çështja në thelb. Këta edhe ta zgjasin e dhe të mos e zgjasin, nuk ka çështje.
Të shikojmë seancën tjetër. Ata duhet t’i thërrasin përfundimisht mendjes sepse edhe nëse bëjnë një zgjatje tjetër, nuk kanë prova… u bëj thirrje të ndërmarrin një veprim ligjor të duhur një herë në jetë”, u shpreh ai.
