Seanca paraprake ndaj ish-kryeministrit Sali Berishës, dhëndrit të tij Jamarbër Malltezi dhe të tjerëve për dosjen “Partizani” është shtyrë për në muajin Dhjetor.
Seanca paraprake do të zhvillohet në datë 16 Dhjetor.
Pas këtij vendimi avokati i Sali Berishës, Genc Gjokutaj, ka bërë të ditur se Gjykata e Strasburgut e ka kaluar dosjen në fazën e debatit dhe i ka drejtuar pyetje shtetit shqiptar në lidhje me procesin penal.
Ai theksoi Strasburgu e ka konsideruar si prioritare ankesën e tyre.
“Doja të bëja me dije që jemi njoftuar zyrtarisht që Gjykata e Strasburgut ka kaluar në fazën e debatit çështjen e z.Berisha në një afat rekord, e ka konsideruar çështje prioritet dhe i ka drejtuar pyetje shtetit shqiptar në lidhje me procesin e parregullt ligjor. Strasburgu ka ecur me shpejtësi, është e paprecedentë një gjë e tillë. Shkresa ka ardhur drejtuar shtetit shqiptar. Do të plotësohen pyetjet, do kthehen dhe pastaj do merret një vendim”, tha Gjokutaj.
