Është shtyrë seanca ish-ministrin e mbrojtjes, Fatmir Mediu lidhur me procesin gjyqësor për dosjen “Gërdeci”.
Ai ka shprehur pakënaqësi për procesin gjyqësor, duke thënë se nuk kanë asnjë interes për të zbardhur të vërtetën.
Në një daljen për mediat pas seancës gjyqësore, Mediu këmbënguli për një akt-ekspertim të ri.
“Pres një proces të drejtë, jo sa për të qenë. Unë jam këtu për të vërtetën dhe nuk dua të bëj as manovra politike dhe as juridike, nuk ka asnjë interes që të zbardhet e vërteta. Është një gjë që është një rrugë pa krye, le të bëjnë një akt ekspertimit të ri. Prokuroria ka ndërtuar akuzë dhe prokuroaria duhet të thotë se ku janë përgjegjësitë e ministrit dhe në këtë akt ka dhe çështje që nuk lidhen me procesin apo ministrin”, tha Mediu.
Ndërkohë mësohet se gjyqi u shty dhe u caktua për datën 17 korrik, ora 09:00 për seancën e radhës.
Deri nesër në orën 16:00 palët do duhet të kenë dorëzuar pyetjet me shkrim, dhe ekspertët e thirrur nga gjykata për Gërdecin, do të duhet të jenë përgjigjur me shkrim në datë 17.
