Derbi mes Partizanit dhe Tiranës është shtyrë me 30 minuta. Sfida më e zjarrtë e kampionatit shqiptar ishte parashikuar të luhej në orën 13:30, por do të startojë në orën 14:00.
Shkak për këtë është bërë mbërritja e skuadrës bardheblu me vonesë në stadium. Tirana zbarkoi në stadiumin “Arena e Demave” vetëm 30 minuta para sfidës, ndërsa sipas protokollit duhej të kishte mbërritur më herët.
Në këtë situatë, u vendos që ndeshja të shtyhet me 30 minuta dhe do të luhet në orën 14:00.
“Departamenti i Garave në FSHF njofton se ndeshja derbi Partizani – Tirana do të nisë në orën 14:00 dhe jo në 13:30 siç ishte planifikuar fillimisht.
Ky ndryshim është bërë për arsye logjistike dhe për të lehtësuar lëvizjen në zonën e stadiumit, duke u mundësuar tifozëve të mbërrijnë në kohë në Arenën e Demave”, thuhet në njoftimin e FSHF.
