Forca të shumta policore janë shtuar në protestën që po mbahet ditën e sotme, konkretisht në sheshin “Shqiponja”.
Edhe pse nuk është shënuar ndonjë incident nga ana e protestuesve, janë parë të shtohen në numër forcat policore duke krijuar një “gardh mrojtës”.
Ata janë përpjekur në grup të lëvizin me ngadalë drejt protestuesve, mesa duket për t’i shpërndarë qytetarët.
Nga ana tjetër këta të fundit kanë reaguar ashpër ndaj veprimit të kryer nga policia, ku disa prej tyre i kanë pyetur se pse janë duke ndërhyrë në tubimin paqësor të opozitës.
Ka qenë deputeti i PD-së, Flamur Noka edhe deputetja Albana Vokshi, të cilët i kanë bërë disa herë thirrje forcave policore të largohen.
