Pandemia COVID-19 përveç numrit të madh të viktimave, shkaktoi dhe një goditje të fortë për ekonominë, veçanërisht sektorin e turizmit.
Por, pas disa muajsh në karantinë dhe me të ardhura fare të pakta për turizmin, disa vende po bëjnë gjithçka për të tërhequr turistët e huaj.
Kankuni në Meksikë ka nisur një fushatë ku ofron dy netë falas akomodimi për çdo dy netë të paguara, ndërkohë që nëse udhëtoni çift, paguan biletën e avionit për një person të tretë.
Përveç ofertave joshëse, shtetet po mundohen që të bindin turistët se vendi i tyre është i sigurt nga pandemia e koronavirusit. Një gjë të tillë po e bën Uzbekistani, që ka ofruar dëmshpërblim për çdo turist që preket nga Covid-19 ndërkohë që po kalon pushimet në këtë shtet.
Bëhet fjalë për një shumë prej 3000 dollarësh nëse prekesh nga virusi. Presidenti i vendi ka thënë se vendi i tij është aq i sigurt sa nuk do të ketë aspak shpenzime për dëmshpërblimin e turistëve./ Opinion.al
