Shtëpia e Bardhë është shprehur se informacionet për taksat personale të Presidentit Donald Trump nuk do t’i dorëzohen kurrë ligjvënësve demokratë.
Deklarata u bë të dielën nga shefi i stafit të Shtëpisë së Bardhë, Mick Mulvaney, i cili sfidoi një përpjekje të Kongresit për të mësuar më shumë rreth financave personale të presidentit.
I pyetur në programin e lajmeve “Fox News Sunday” nëse demokratët e Kongresit do të kenë sukses për të marrë informacionin mbi taksat personale të Presidentit, Mulvaney tha: “Kurrë, dhe as që duhet t’i marrin.”
Ai e hodhi poshtë përpjekjen e demokratëve duke e quajtur një lojë politike.
Demokratët thonë se kërkesa për të parë taksat e Presidentit Trump është e bazuar në ligj dhe e nevojshme, duke patur parasysh refuzimin e tij për të bërë publike zbuluar të dhënat e tij tatimore dhe për të hequr dorë plotësisht nga interesat e tij të biznesit./ Opinion.al E.Xh.
