Shqiptarja ther me thikë të dashurin italian, i kishte kërkuar ndarje

Ther me thikë në fyt të dashurin dhe më pas i vë flakën. Kjo është
vdekja tragjike e Corrado Vantini, hidrauliku 59 vjeçar nga Montorio al
Vomano, i vrarë 9 marsin e kaluar në Marina Di San Nicola (Ladispoli)
nga e dashura e tij shqiptare, Teuta Mihali.
Lajmi bëhet i ditur nga mediat italiane, të cilat shkruajnë se 65
vjeçarja shqiptare është arritur të identifikohet dhe është zbardhur
dinamika e ngjarjes.
Të dy po udhëtonin me një automjet të cilin e kishin parkuar diku në
zonë, por pas 15 minutash, gruaja doli e vetme nga makina dhe u
largua.
Në këtë hark kohor, që ata ishin në makinë brenda, gruaja e ka
goditur në fyt me një thikë kuzhine të dashurin italian.
Sipas mediave, ata të dy kishin një marrëdhënie me shumë ulje e
ngritje, zënka e debate, e ndoshta italiani i kishte kërkuar që të
ndaheshin dhe ajo nuk ka pranuar.
Krimi është filmuar nga kamerat e instaluara në një biznes aty pranë
ku ndodhi ngjarja e rëndë. Pamjet filmike kanë parë shqiptaren teksa
largohej nga makina, ndërsa trupi i viktimës digjej brenda saj.
Gruaja është rezidente në Ladispoli, ndërsa italiani ka jetuar në Ponte
Galeria në periferi të Romës.
Sipas gazetës italiane, gruaja ishte përgjuar dhe ishin
parë tabulatet telefonike. Ajo fillimisht u përpoq për ta mohuar
krimin, por më pas e rrëfeu dhe tha se e kishte therur me thikë
kuzhine të dashurin e saj, trupi i të cilit u gjet pjesërisht të djegur.
Tani ajo akuzohet për vrasje dhe tentim të shkatërrimit të kufomës