Një 33-vjeçare shqiptare është gjetur e plagosur me thikë në Athinë.
Sipas mediave greke, dyshohet se një 27-vjeçar e ka rrahur, e ka goditur me thikë në kofshë, e ka përdhunuar dhe më pas e ka lidhur dhe e ka mbyllur në një ndërtesë të braktisur.
Historia e tmerrshme nisi të zbardhet mesditën e së hënës së kaluar, kur oficerët e policisë ishin duke kaluar nëpër kryqëzimin e rrugëve Sokratous dhe Xouthou, në Athinë. Aty ata ndaluan 27-vjeçarin dhe gjatë kontrollit i është gjetur një thikë.
Burri u dërgua në Departamentin e Sigurisë së Omonias, ku u arrestua.
Më pas, rreth orës 21:20 të mbrëmjes të së njëjtës ditë, oficerët e policisë, duke kaluar nëpër rrugën Xouthou në Athinë, dëgjuan një person që thërriste për ndihmë nga një ndërtesë e braktisur.
Policia ka shkuar menjëherë në katin e 1 të pallatit, nga ku kanë ardhur thirrjet për ndihmë, ku ka konstatuar një derë të mbyllur me dry.
Punonjësit e policisë thyen drynin dhe pasi u futën në ambientet e brendshme, gjetën në krevat 33-vjeçaren nga Shqipëria, të palëvizur me pranga pëlhure në të gjitha gjymtyrët dhe të plagosur dukshëm në kokë dhe në të gjithë trupin. Në të njëjtën kohë, e reja ka marrë një plagë me thikë në kofshën e majtë.
Më pas, 33-vjeçares i është dhënë ndihma e parë dhe është thirrur transportuar në spital.
Gjithashtu në ndërtesën e braktisur është gjetur dhe konfiskuar një thikë me gjatësi totale 22 centimetra dhe një dru i mprehtë me njolla gjaku, të cilat sipas viktimës i ka përdorur kundër saj.
Gruaja i tha policisë se nuk e njihte 27-vjeçarin dhe se e ka takuar herët të hënën. Siç tha ai, të dy ranë dakord të shkonin në shtëpinë e tij për të bërë seks.
Pasi gruaja ka hyrë në shtëpinë e tij, i pandehuri e ka sulmuar atë, duke e rrahur dhe detyruar të kryejë seks oral kundër dëshirës së saj, gjatë së cilës ai ka vazhduar ta rrahë.
I arrestuari është dërguar në Prokurorinë Penale të Athinës, ku pritet të marri dënimin e vendosur nga gjykata.
