Punonjësit e kufirit në aeroportin e Perugias i kanë refuzuar hyrjen në Itali një 27vjeçari që kishte udhëtuar me avion nga Tirana. Kjo pasi ka rezultuar me të kaluar kriminale.
Ai kishte pasaportë të rregull dhe në momentin që u pyet për arsyen e vizitës u përgjigj duke thënë se ishte turist. Por, nga verifikimet rezultoi se shqiptari ishte dënuar në të kaluarën e tij për grabitje dhe për këtë kishte vuajtur dënim në Perugia.
Pas kësaj, ata i bënë të ditur vendimin për të refuzuar hyrjen në Itali dhe e riatdhesuan duke e kthyer po me avion për në Tiranë.
