Një 21-vjeçar shqiptar, emigrant nga Angli, është vënë në pranga nga policia pasi kapur duke vjedhur një banesë në Londër. I zoti i shtëpisë kishte instaluar kamera me “wifi”, dhe po shikonte në celularin e tij “live” gjithcka ndodhte në banesë kur ai nuk ishte aty.
Pronari anglez ka mundur të pikasë vjedhjen që po ndodhte në kohë reale, ndërkohë që ai ishte me pushime me familjen e tij në Francë. Menjëherë ai njoftoi policinë, të cilët arrestuar të riun shqiptar.
Sipas mediave britanike, Dorian Puka, 21 vjeç, pa dokumenta të rregullta, u filmua ndërkohë që po hynte me forcë në banesën e anglezit David Pearce, në jugperëndim të Londrës, në lagjen Twickenham, përmes një kamere “wifi”.
Puka u kap nga policia në afërsi të vendit të vjedhjes, bashkë me një person tjetër i cili u largua nga banesa pas ardhjes së fqinjëve me një makinë BMW, e identifikuar nga targa e mbajtur shënim nga fqinjët.
Dorian Puka, i cili do të deportohet në Shqipëri pas dy muajsh, u dënua nga gjykata me 9 muaj burg për këtë vjedhje si dhe një tjetër të kryer një muaj më parë, po në perëndim të Londrës, ku kishte marrë sende me një vlerë prej 20 mijë sterlinash, por kishte lënë pas një dorashkë të përdorur gjatë plaçkitjes së banesës.
