Ai mesa duket kishte rënë kokë e këmbë në dashuri me vajzën 24-vjeçare e cila punonte si bariste në një bar në Incisa Valdarno, në provincën e Firences.
Për shtatë muaj me rradhë, çdo mëngjes ai paraqitej në lokalin ku ajo punonte dhe qëndronte aty deri në orarin që mbyllte turnin.
Kurrë nuk ia hiqte sytë vajzës dhe i kishte shprehur asaj dëshirën për të qëndruar me të, pasi e dashuroj, raporton panorama.
Ky është një shqiptar 52-vjeçar, i papunë, i cili u arrestua dje nga policia me akuzën e përndjekjes.
Vajza e denoncoi shqiptarin në fillim të marsit dhe policia e ndaloi atë, shkruajnë mediat italiane.
Por, nuk kishte mjaftuar, pasi ai u rikthye i bindur se vajza ishte e dashuruar më të.
52-vjeçari është arrestuar edhe më parë për drejtim të automjetit të gjendje të dehur dhe shfaqje në publik të organit gjenital.
