Ish-kryeministri Sali Berisha ka reaguar me një urim për triumfin e arritur nga kantautori shqiptar, Ermal Meta, i cili fitoi garen e fortë të Sanremos.
Përmes një shënimi në Facebook, Berisha shkruan se Ermal Meta ngadhënjeu në festivalin e Sanremos.
Ai thekson se ky është triumfi më i fuqishëm në jetën e këtij festivali, pasi e fitoi një i huaj dhe një këngëtar që padrejtësisht po e skualifikonin për të mos fituar.
“Një urim të përzemërt fitimtarit miq, për suksesin e jashtëzakonshëm. Urime!! Sb”,-shkruan ish-kryeministri Berisha në rrjetin social Facebook.
