Zbardhen të tjera detaje nga krimi i kryer prej shqiptarit Dritan Demiraj në Itali një vit më parë, për vrasjen e ish të dashurës se tij Lidia Nusdordfi dhe Silvio Mannina.
Mediat italiane bëjnë me dije se shqiptari në vrasje ishte ndihmuar edhe nga daja i tij Sadik Dine.
Ky i fundit një muaj më parë u dënua vetëm për akuzën e fshehjes së kufomës dhe do kryej vetëm pesë vjet burg.
Vendimi i gjykatës së Shkallës së Parë në Rimini u dha më 14 mars të vitit 2016, pra rreth një muaj më prë dhe Dritani u dënua me burgim të përjetshëm.
Ndërsa mediat thanë se Demiraj po lufton mes jetës dhe vdekjes pasi ka rënë në koma sepse dje u masakrua në qeli nga një ish-boksier që e ka bërë për spital.
Dritani ndodhet në spitalin e Parmës nën kujdesin e mjekëve dhe thuhet se gjendja e tij është kritike.
Motivi i sulmit?
Arsyet janë ende të paqarta.
Sipas njoftimeve paraprake, kjo ndodhi pas një sherri teksa të dy ndodheshin në zonën e burgut ku të burgosurit mund të bisedojnë me njëri-tjetrin.
Për ngjarjen ka reaguar motra e Silvio Mannina, viktima e Dritanit, e cila ka thënë se kur ka dëgjuar për masakrimin e shqiptarit nuk di se cfarë ka ndierë:
“Nuk mund të them që ndiej keqardhje, por nuk mund të them edhe që ndihem e lumtur”,- tha ajo për mediat italiane.
