Mediat Greke kanë bërë publikuar videon e momentin të grabitjes së biznesmenit shqiptar Tonin Preka në nëntorin e vitit të kaluar në Mykonos.
Grabitja ka ndodhur si nëpër filma, ku 5 autorët e grabitjes u futën në zyrën e sipërmarrësit të maskuar dhe të armatosur. Ashtu siç shihen edhe në video ata përleshen me 41-vjeçarin shqiptar dhe arrijnë t’i marrin atij një çantë me 40 mijë euro.
Gjatë grabitjes 41-vjeçari është përleshur me grabitësit shqiptarë, madje i merr njërit prej tyre edhe pistoletën, por nuk mund të qëllojë sepse i bie karikatori.
Ndërkohë, dy prej autorëve Alfons Ndoci dhe Gerald Jaho janë vënë në pranga rreth 1 javë më parë (25 qershor 2023) dhe ka qenë vetë biznesmeni shqiptar që ka arritur t’i identifikojë.
Ai i ka parë ata teksa ka qenë në një qendër tregtare dhe ka lajmëruar policinë. Edhe në këtë rast ata e kanë kërcënuar me armë biznesmenin shqiptar, madje i kanë marrë dhe celularin me qëllim që të mos e njoftonte shpejt policinë. Por pasi efektivët i kanë ndjekur për rreth 4 kilometra, ata kanë rënë në pranga.
Njëri prej agresorëve, Agustin Marku, u vu në pranga të nesërmen e grabitjes ndërsa dy të tjerët Enderik Skënderaj dhe Nedin Bylbyli, janë ende në kërkim.
Ata e kryen grabitjen në ditën që Preka do të shpërndante paratë për punonjësit e tij./Opinion.al
