Kombëtarja Shqiptare ka mbledhur gjithë tifozët e saj në Francë, aty ku po zhvillohet Kampionati Evropian i futbollit.
Tifozë shqiptarë nga e gjitha bota, kanë marrë rrugë drejt Francës, për të mbështetur kuqezinjtë në debutimin historik në një garë siç është Kampionati Evropian.
E udhëtimin më të veçantë drejt Francës, e ka bërë një shqiptar nga komuna e Velesit (Maqedoni), që më të bijën e tij ka bërë pesë ditë rrugë me motor për të mbërritur në qytetin e Lensit, aty ku nesër duke filluar nga ora 15:00, Shqipëria luan me Zvicrën.
Për udhëtimin pesë ditor me motor, Ajvaz Mehmeti rrëfehet për Indeksonline, duke treguar rrugët që ka kaluar për të mbërritur në vendin që këtë verë ka bashkuar shqiptarët, në Francë./Indeksonline
