Emisioni “Opinion” është fokusuar ditën e sotme te “shqiptarët që lanë gjurmë në botë”.
Gazetari Blendi Salaj i ftuar në studio përmendi shkrimtarin Ismail Kadare si një personazh me shumë influencë në botë, i cili falë veprave të tij, siç thotë Salaj, u ka mësuar të huajve edhe “huqet e shqiptarëve”.
Sakaq, pedagogia Lili Sula shtoi se“Vepra e Kadaresë meriton vërtet vëmendje, pasi është përkthyer në 47 gjuhë të botës”.
Blend Salaj: Do thoja në kohën modern edhe Kadare është një emër i njohur, i cili është shumë i njohur tek lexuesi i tij i huaj, dhe ata e dinë që ky është shqiptar. Sepse vepra e tij lidhet me Shqipërinë.
-E ka veprën në Shqipëri dhe është bërë i njohur jashtë.
Blendi Salaj: Pra nëse ti njeh Kadarenë, ti njeh Shqipërinë domosdoshmërisht.
-Jo vetëm Shqipërinë, por edhe Gjirokastrën e ka bërë shumë të famshme.
Blendi Salaj: Edhe huqet tona pastaj…
Lili Sula: Vepra e Kadaresë meriton vërtet vëmendje, është e përkthyer në 47 gjuhë të botës, domethënë është vërtet shqiptari që i ka dhënë shumë Evropës e botës. Është i përmasave ndërkombëtare.
-Është ndër intelektualët më në zë të globit.
Lili Sula: Shumë enciklopedi e cilësojnë veprën e Kadaresë si një ndër 100 veprat që një person duhet të lexojë gjatë jetës së vet. Dihet që përmasa kryesore e veprës së Kadaresë është raporti që ka individi me pushtetin, me diktaturat dhe kjo e ka bërë të famshëm të një përmase universale.
