Në takimin vjetor të Këshillit Koordinues të Diasporës, kryeministri Edi Rama deklaroi se diaspora është një mbështetje e fuqishme për vendin.
Gjatë fjalës së tij ai tha se këtë vit, sipas të dhënave të Bankës së Shqipërisë, emigrantët kanë dërguar në vend 100 milionë euro më tepër.
Sipas tij shqiptarët sot, kudo që jetojnë, janë krenarë për vendin e tyre.
“Diaspora mbetet një mbështetje e rëndësishme edhe nga ana financiare për vendin. Këtë vit, BSH ka regjistruar rritje të konsiderueshme të dërgesave të emigrantëve, janë 100 milionë euro më tepër, ku dërgesat më të mëdha janë nga Italia, Greqia, SHBA etj.
Kjo rritje është rezultat i reformave, por edhe pozicionimit të ri politik të Shqipërisë. Sot shqiptarët janë krenarë kudo ku jetojnë. Më herët, shqiptarët kanë pasur stigmatizim, për shkak edhe të mosmbështetjes nga vendi amë. Kjo është një fazë dramatike e tejkaluar”, tha Rama.
