Shqipëria ka mposhtur në “Air Albania” Çekinë, një ndeshje e vlefshme për Euro 2024.
Futbollistët e kombëtares Shqiptare kanë dhënë një performacë të shkëlqyer në këtë ndeshje të rëndësishme. Ishte Jasir Asani i cili tundi për herë të parë rrjetën e Çekisë në minutën ‘9, një gol i fantastik nga jashtë zone.
Në minutën e 39, çekët shënuan, por pas verifikimit dhe me sistemin VAR, arbitri anuloi gjithçka për prekje të topit me dorë, e cila solli edhe kartonin e dytë të verdhë për lojtarin e Çekisë.
Në pjesën e dytë ishte radha e Taulant Seferit që të merrte lojën në dorë. Në minutën e ’50, Seferi ndëshkoi për të dytën herë çektë. Një kundërsulm i shpejt i ideuar nga Bajrami e Asani është finalizuar më së miri nga anësori i sulmit, Seferi, i cili përball portës së boshatisur çoi topin në rrjetën e portierit Pavlenka.
Edhe goli i tretë kishte si autor Taulant Seferin, i cili në minutën e ’73 gjeti përsëri rrugën e golit. Në minutën e ’81 shënoi edhe Muja, por arbitri e anuloi pas konsultimit me sistemin VAR.
Në duelin tjetër të grupit, Polonia mundi Ishujt Farore dhe klasifikimi i grupi E, aktualisht kryeson Shqipëria që është me 13 pikë, më pas në vendin e dytë është Polonia me 9 pike dhe në të tretin Çekia me 8 pikë, po aq sa Moldavia. Në fund qëndrojnë Ishujt Faroe me vetëm një pikë.
