Shqipëria do të dërgojë në mision 22 ushtarakë dhe një anije “Iliria” në detin Egje. Vendimi është marrë ditën e sotme në mbledhjen e qeverisë.
Ministri i Mbrojtjes Niko Peleshi në një deklaratë për mediat tha se me dërgimin e kësaj trupe, bëhen 8 misione ku Shqipëria merr pjesë në mënyrë aktive.
“Mision prej 22 ushtarakësh dhe një anije ‘Iliria’ në misionin e NATO-s në detin Egje. Pjesëmarrje e rëndësishme, ne jemi aktivë në KFOR, prezenca më e madhe në Kosovë, jemi në Bullgari me një togë, jemi ofruar për të dërguar më shumë se 100 ushtarakë në Rumani për të forcuar krahun lindor të NATO-s. Bëhen rreth 8 misione ku marrim pjesë në mënyrë aktive”, tha Peleshi.
