Ambasadorja e Shteteve të Bashkuara të Amerikës në Tiranë, Yuri Kim, ka reaguar lidhur me fillimin e mandatit të Shqipërisë në Këshillin e Sigurimit të OKB-së.
Në një postim në “Twitter”, ambasadorja amerikane Yuri Kim shprehet se SHBA i uron mirëseardhjen Shqipërisë në këtë Këshill.
Po ashtu Kim thekson se SHBA është krenare që ulen si kolegë me Shqipërinë në një nga tryezat më të rëndësishme në botë.
“Shtetet e Bashkuara të Amerikës mirëpresin Shqipërinë në Këshillin e Sigurimit të OKB-së! Krenar që do të ulemi së bashku si kolegë në një nga tavolinat më të rëndësishme në botë” shkruan Kim.
