Media prestigjioze “The Times” ka shkruar në një artikull për turizmin në Shqipëri, teksa ka treguar për plazhet e vendet turistike si dhe kostot jo shumë të larta për turistët.
Kryeministri Edi Rama ka reaguar pas këtij shkrimi në rrjete sociale, i cili thotë se tashmë Shqipëria është në fokus jo vetëm si një vend me plazhe magjepsëse e rërë të bardhë, por edhe si ofruese e përvojave të turizmit të nivelit të lartë me rritjen e numrit të hoteleve me standarde të larta.
“Shqipëria në fokus të prestigjiozes “The Times” jo vetëm si një vend me plazhe magjepsëse e rërë të bardhë, por tanimë edhe si ofruese e përvojave të turizmit të nivelit të lartë me rritjen e numrit të hoteleve me standarde të larta.
Investitorë të fuqishëm po i kthejnë sytë nga Shqipëria ku tanimë kemi disa marka ndërkombëtare si Melía, Radisson, Marriott, Hilton, Sëiss Hotel, Intercontinental apo Hyatt, krejt të pamendueshme deri disa vjet më parë, e ku me finalizmin e aeroportit të Vlorës vendi ynë do të jetë edhe më shumë në qendër të vëmendjes së turistëve nga e gjithë bota.
Viti 2024 u mbyll me +37% më shumë vizitorë nga Britania e Madhe krahasuar me vitin paraardhës”, shkruan Rama.
