Përfaqësuesja e Lartë për Politikën e Jashtme dhe Sigurisë së BE, njëkohësisht ZV/Presidente e Komisionit Europian Kaja Kallas, mbërriti sot në Tiranë në kuadër të Samitit të gjashtë politik Evropian që mbahet në vendin tonë.
Kallas, ka dhënë një deklaratë për mediat nga sheshi Skënderbej në kryeqytet, ku dhe po mbahet Samiti Politik Evropian sot.
Një ndër pyetjet ishte: A mendoni se Shqipëria do bëhet pjesë e BE deri në 2030?
Kallas u shpreh se vendi ynë po bën një progres të shkëlqyer të reformave.
‘Po, mendoj që Shqipëria po bën progres të shkëlqyer kur vjen fjala për reformat që janë të nevojshme. Nga ana e Europës duhen bërë hapat e duhura, ju duhet të bëni reformat në sundimin e ligjit, por ka një moment ku BE dëshiron zgjerimin’ tha Kallas.
E pyetur për situatën e Ukrainës dhe mos zbrapsjen e Rusisë, si dhe për diskutimet e këtyre shteteve për paqe në Turqi, Kallas shprehet se është gjë e mirë që ka dhe prezencën e Shteteve të Bashkuara në këtë mes.
‘Në fakt kemi paketën, gjithashtu po mendojmë edhe për paketën tjetër, kemi sanksione për energjinë për Rusinë, kemi dhe një udhërrëfyes që e kemi propozuar javën e kaluar bashkë me paketën e sanksioneve, sepse është tejet e rëndësishme që t’u shkurtojmë fondet për të vazhduar këtë luftë, pra financimet për të vazhduar këtë luftë. Ne këtë drejtim duhet të jemi të gjithë të bashkuar sepse shohim qartësisht se Rusia nuk do paqe’ pohoi Kallas…
Pyetje: Po për bisedimet në Turqi keni optimizëm?
‘Mendoj se është një propozim shumë i mirë. Sigurisht që ka proceduar të tjera por është e është e rëndësishme edhe si mesazh që amerikanët janë për t’i ushtruar trysni Rusisë, kemi edhe ne mjetet kanë edhe amerikanët mjete dhe është e mira që t’i përdorim bashkë’, pohoi Kallas.
Po kështu, një mesazh të shkurtër pati për Kosovën dhe Serbinë, që lidhej me bisedimet e tyre.
“Pak më parë kemi emëruar përfaqësuesin e posaçëm të ri për dialogun dhe presim neutralizimin e marrëdhënieve sigurisht”, u shpreh Kallas.
