Shqipëria do të dyfishojë prezencën e misionit ushtarak në Afganistan, lajm që është bërë i ditur nga Kryeministri Rama në samitin e Nato-s në Varshavë.
Vendim që është diskutuar në sesionin e punës së kryetarëve të shteteve dhe qeverive lidhur me Misionin Mbështetës në Afganistan ku Kryeministri Rama ishte i pranishëm.
Rama në fjalën e tij siç njofton zyra e komunikimit e kryeministrit, theksoi se vendi ynë do të vazhdojë të ketë të njëjtin angazhim përkrah Aleancës për vendosjen e stabilitetit dhe sigurisë dhe për zhvillimin e qëndrueshëm të institucioneve në Afganistan.
Në ditën e parë të samitit Rama në fjalën e mbajtur në sesionin e punës tha se buxheti që qeveria shqiptare do të përdorë për mbrojtjen do të jenë në përputhje me detyrimet që ka si vend i NATO-s.
Kryeministri rikonfirmoi mbështetjen e politikës së zgjerimit të NATO-s në këtë drejtim, anëtarësimi i Malit të Zi, sipas Ramës, është gjëja e duhur.
Kryeministri shqiptar eshte pozicionuar ne mbështetje te strategjinë se mbrojtjes të Aleancës dhe përpjekjeve të NATO-s për më shumë stabilitet e siguri në hapësirën euroatlantike./Klan
