Pasi Ministria e Financave njoftoi se Shqipëria ka dalë nga lista gri e pastrimit të parave, Prokurori i Përgjithshëm, Olsian Çela thekson se vendim ka ardhur nga kontributi i prokurorive të vendit.
“Shqipëria del nga lista gri e pastrimit të parave, fryt ky edhe i një kontributi thelbësor të seksioneve të posaçme në 7 prokuroritë kryesore të vendit, ngritur në kuadër të zbatimit të strategjisë së hartuar nga Prokuroria e Përgjithshme në vitin 2020 për të luftuar fenomenin”, shkruan kryeprokurori.
Lajmin se Shqipëria ka dalë nga lista gri e pastrimit të parave, në të cilën kishte hyrë në shkurt të vitit 2020, e dha sot ministri i Financave, Ervin Mete gjatë një konferencë me FMN dhe BSH.
Mete tha se vendimi është marrë sot nga Asambleja Plenare e FATF dhe vjen si pasojë e progresit të shënuar nga vendi ynë në zbatimin e rekomandimeve./Opinion.al
