Dy muaj para zgjedhjeve të Bashkimit Europian, ku sipas sondazheve do të ketë një rritje të ndjeshme të përfaqësuesve nacionalistë dhe euroskeptikë në Parlamentin Europian, një lajm i mirë vjen nga Sllovakia ku Zuzana Caputova ka fituar thellë në raundin e parë të zgjedhjeve presidenciale.
Zuzana Caputova ka arritur të marrë 40,5% të votave në këtë raund të parë. I dyti është renditur Maros Sefcovic me 18,7% të votave, ndërsa kandidatët e tjerë që kishin paraqitur pozicione ekstreme anti-europiane dhe kundër emigrantëve si Stefan Harabin dhe Marian Kotleba kanë marrë respektivisht 14,15% dhe 10,5%.
Avokatja 45-vjeçare Zuzana Caputova drejton partinë “Sllovakia Progresiste”, një lëvizje liberale pro-europiane që lindi si rrjedhojë e protestave të shoqërisë civile pas vrasjes së gazetarit investigativ Jan Kuciak.
Duke qenë se asnjë nga kandidatët nuk ka fituar 52% të votave në raundin e parë, Zuzana Caputova do të shkojë në balotazh në zgjedhjet e dyta që do të mbahen në 30 mars. Sipas të gjithë analistëve, ajo do të jetë presidentja e ardhshme e Sllovakisë. Këto zgjedhje ishin një humbje e rëndë për të djathtën nacionaliste dhe euroskeptikët./Opinion.al
