Nga telefonat inteligjentë te televizori dhe GPS. Po ju tregojmë shpikjet teknologjike të këtij mijëvjeçari që nuk ekzistonin në vitin 2000 dhe kanë ndryshuar jetën tonë të përditshme.
VITI 2000: GPS DHE MAKINË HIBRIDE. Sistemi i Pozicionimit Global u krijua në 1973 nga Departamenti i Mbrojtjes së SHBA-së për qëllime ushtarake, por që nga maji 2000 aksesi në teknologji është i hapur për të gjithë.
Makina e parë hibride në botë ishte Toyota Prius, e cila u lançua në Japoni në vitin 1997, por që doli në tregun botëror vetëm në vitin 2000. Deri më sot, pasi ka arritur serinë e saj të gjashtë, Prius është ende makina hibride më e shitur në botë dhe ishte pioniere e revolucionit elektrik që sapo kishte filluar.
2001: WIKIPEDIA. Wikipedia, enciklopedia online më e konsultuar në botë, u krijua më 15 janar 2001. Para ardhjes së saj, për të pasur njohuri, ishte e nevojshme të shfletoheshin vëllime të mëdha dhe të shtrenjta, të cilat, duhej të zëvendësoheshin dhe përditësoheshin me kalimin e kohës. Me përhapjen e internetit erdhi enciklopedia e parë e shkruar nga përdoruesit, e lirë dhe shumëgjuhëshe, sot një burim thelbësor i nocioneve.
2003: HARTA E GJENOMIT NJERËZOR. Deshifrimi i informacionit gjenetik që përmban ADN-ja jonë u njoftua nga shkencëtarët në vitin 2003. Në realitet, ky dekodim u përfundua vetëm në vitin 2022, por ndërkohë informacioni i marrë ka lejuar hapa gjigantë në diagnostikimin dhe trajtimin e shumë sëmundjeve.
2004: RRJETET SOCIALE. Shërbimi i parë i “rrjetit social” daton në vitin 1997 dhe quhej SixDegrees, më pas mbërritën ndër të tjera Linkedin dhe Myspace (2003), por pikërisht me Facebook-un, që nga viti 2004, jemi dëshmitarë të bumit të një fenomeni, i cili në vitin 2022 përfshin 4.7 miliardë njerëz në botë ose 94% e atyre që kanë akses në internet.
2007: TELEFONAT INTELIGJENTË. Vetëm 15 vjet më parë ” SMARTPHONE” nuk ekzistonte. Telefoni, videokamera, kamera, kompjuteri, ora me zile, ora, riprodhuesi muzikor, navigatori dhe një mijë aplikacione të tjera u kombinuan për herë të parë në Apple iPhone.
2009: BITCOIN DHE PRINTIMI 3D. Versioni i parë i Bitcoin, monedha virtuale më e përdorur në botë, u lançua në vitin 2009 nga inxhinieri kompjuterik japonez Satoshi Nakamoto. Kjo shpikje çoi më pas në përhapjen e mbi 2000 kriptomonedhave të ndryshme, duke ndikuar në botën e financave dhe investimeve.
Procesi i printimit në tre dimensione ka lindur në vitin 1986 me stereolitografi, por që nga viti 2009, me skadimin e patentës për teknologjinë FDM (Fused Deposition Modeling), po shohim përhapjen e saj në shumë fusha, nga mjekësia në ndërtim, nga hulumtimi në ushqim.
2011: ASISTENT VIRTUAL. E para e lançuar në treg ishte Siri (Apple), duke kurorëzuar një udhëtim në fushën e komandave zanore të nisur nga Bell në vitin 1952. Microsoft mbërriti në vitin 2014 me Cortana, por pika e kthesës erdhi me Alexa dhe Google Home, të cilët integrojnë asistentët virtualë me automatizimin shtëpiak të shtëpive moderne.
2014: TV SIPAS KËRKESËS (TV IN DEMAND). Interneti ka revolucionarizuar mënyrën se si ne shikojmë TV. Nëse deri dhjetë vjet më parë ishte praktikë zapping ose marrja me qira e DVD-ve, sot gjithnjë e më shumë njerëz mbështeten në platformat që ofrojnë përmbajtje transmetimi sipas kërkesës për një tarifë vjetore. Bumi erdhi me Netflix, më pas erdhi Apple TV, Prime Video, Disney+.
