Shkencëtarët janë gjithmonë në kërkim të metodave të reja dhe inovative për të ndihmuar njerëzit të bien në peshë dhe të pakësojnë sasinë e kalorive që konsumojnë çdo ditë.
Njëri nga studimet e fundit, i publikuar në Revistën “Journal of Public Policy & Marketing” tregon se sa ndikim kanë në konsumimin e kalorive etiketat informuese që shoqërojnë ushqimet. Studiuesit krijuan një menu ushqimore, ku çdo ushqim kategorizohej sipas ngjyrave: jeshile, portokalli dhe e kuqe, njësoj si dritat e semaforit.
Me dritë jeshile u kategorizuan ato menu ushqimesh të cilat kishin 140-400 kalori, me dritë portokalli ato me 400-550 kalori dhe me dritë të kuqe ushqimet me 550-950 kalori. Vetëm me këtë etiketim të menuve, u vu re se punonjësit konsumonin mesatarisht 10% kalori më pak çdo ditë, duke ndikuar kështu në mbajtjen e trupit në formë më të mirë dhe në dobësim, pasi etiketat ndihmojnë të krahasosh ushqimet me njëra-tjetrën dhe favorizojnë zgjedhjen më të shëndetshme.
Prandaj, mund ta provoni edhe ju ti ndani produktet që konsumoni me etiketat me drita përkatëse e do të shihni se si sasia e kalorive që konsumoni do të zvogëlohet e do të kthehet në stil jetese me kalimin e kohës.
