Një adoleshent u shpëtua nga rrënojat e një ndërtese të shembur në qytetin turk të Gaziantep, 94 orë pas tërmetit të së hënës.
Ekipet e shpëtimit qanë, duartrokitën dhe brohoritën emrin e tij ndërsa nxorrën Adnan Muhammed Korkut, 17 vjeç, nga bodrumi ku ai kishte mbetur i bllokuar.
Shpëtimi vjen pasi shanset për të gjetur më shumë të mbijetuar po zvogëlohen shpejt, me shkallën mesatare të mbijetesës që bie në 6% deri në ditën e pestë në këto lloje fatkeqësish, sipas ekspertëve.
“Faleminderit Zotit që mbërritët”, tha ai duke përqafuar nënën e tij. “Faleminderit te gjithëve.”
Adnani ishte kryesisht i padëmtuar, por tha se ishte i detyruar të pinte urinën e tij për të mbijetuar.
“Unë kam një djalë si ju”, i tha një punonjës shpëtimi. “Të betohem, nuk kam fjetur për katër ditë. Të betohem se nuk kam fjetur, po përpiqesha të të nxjerr jashtë”, -vijoi ai.
