James Harrison, i njohur si “njeriu me krahun e artë”, ka ndërruar jetë në Australi në moshën 88-vjeçare, pas një jete të shënjuar nga një akt të pabesueshëm bujarie dhe dhurimi.
Harrison raportohet të ketë shpëtuar jetën e më shumë se 2.4 milionë foshnjave gjatë dhurimit të gjakut të tij, duke u bërë dhuruesi më i madh i gjakut në botë.
Për më shumë se 60 vjet, ai ka dhuruar plazmën e tij pothuaj 1200 herë, dhe e vetmja gjë që e ndaloi nga ky akt i jashtëzakonshëm ishte mosha, pasi ai u pensionua në vitin 2018.
Ajo që e bënte Harrison një njeri kaq të veçantë ishte një antitrup i rrallë që ndodhej në plazmën e tij, i cili u përdor për të zhvilluar ilaçin anti-D.
Ky ilaç ka shpëtuar mijëra jetë foshnjash, duke parandaluar vdekjen e të porsalindurve nga sëmundja Rhesus, një problem që shkakton ndërlikime serioze për foshnjat e nënave me gjak rezus negativ.
Harrison nuk e humbi asnjë seancë dhurimi gjatë gjithë jetës, duke e dhuruar plazmën rregullisht për më shumë se gjashtë dekada. Ai gjithashtu mban Rekordin Botëror Guinness për numrin më të madh të dhurimeve të gjakut, një arritje që ka ndikuar në jetën e miliona njerëzve.
I njohur për përkushtimin dhe bujarinë e tij, James Harrison ishte një figurë krenare dhe një model për shumë të tjerë. Ai vdiq në një shtëpi pleqsh, duke lënë pas një trashëgimi të pafundme të shpëtimit të jetëve dhe bujarisë së pakrahasueshme.
