Këshilli i Lartë i Prokurorisë, në mbledhjen e kësaj të premteje, ka miratuar komandimin e gjashtë këshilltarëve pranë këtij organi.
Mbledhja u bë pa praninë e mediave, ndërsa është shqyrtuar edhe kërkesa e Partisë Demokratike dhe Lëvizjes Socialiste për Integrim për shkarkimin e Arta Markut, e cila është hedhur poshtë pas shpalljes së inkopetencës së këtij institucioni për këtë çështje.
Më 29 janar Kreu i Grupit Parlamentar të PD-së Edmond Spaho dhe ai i LSI-së, Petrit Vasili paditën në prokurorinë e Tiranës kryeprokuroren Arta Marku, për veprën penale te “shpërdorimit të detyrës”. Largimi i saj u kërkua për çështjen e Bujar Sheshit, anëtar i KLP-së, i cili akuzohet se ka qenë pjesë e Sigurimit të Shtetit gjatë diktaturës.
Ndërkohë këshilltarët pranë KLP-së që u emëruan sot janë Arjan Muçaj, Artur Cara, Mihallaq Bleta, Mirela Kapo, Ornela Rrumbullaku dhe Vitjuna Mata.
Mesohet se kreu i Këshillit të Lartë të Prokurorisë, Gent Ibrahimi, është shprehur se këta prokurorë të komanduar pranë KLP, nuk duhet të cënojnë mbarëvajtjen e veprimtarisë së prokurorive nga ku po vijnë./Opinion.al
