Kryeministri Edi Rama ka zhvilluar një takim me kreun e PDIU-së, Shpëtim Idrizi, njëherazi edhe nënkryetar i Kuvendit. Idrizi është parë të hyjë në Kryeministri sot pasdite. Takimi ka qenë pa praninë e mediave.
Nuk dihet çfarë është diskutuar, por me siguri temë kryesore duhet të ketë qenë kërkesa e PDIU-së për të marrë drejtimin e një ministrie.
Disa herë publikisht Idrizi e ka shprehur këtë ambicje dhe siç ai ka sqaruar, Rama ia ka premtuar diçka të tillë kur mbyllën marrëveshjen për kalimin në koalicionin qeveritar të partisë çame. Por takimi i sotëm mund të lidhet edhe me lëvizjet e fundit për reformën në drejtësi./LAPSI.AL/
