Një shpërthim tronditi mbrëmë Vlorën. Ngjarja ndodhi 30 minuta pas vrasjes së Fation Sinanit, por policia tha se ngjarjet nuk kanë lidhje me njëra-tjetrës.
Personi të cilit iu vendos tritol në makinë nuk është një emër i panjohur për organet e drejtësisë.
Elton Ismaili është ka qenë i dënuar për pengmarrjen e nipit të biznesmenit Sulo Shehu, në vitin 2003 në Vlorë.
Po kështu në vitin 2007 është shoqëruar në polici me dyshimin se mund të ketë vrarë motrën e tij 6 muajshme shtatzënë, por më pas u lirua për mungesë provash.
Ismaili është mbrojtur duke thënë se gjendej në Itali për pushime dhe kjo është vërtetuar nga hyrja dhe dalja në portin e Vlorës. Në këtë mënyrë, dyshimet për përfshirjen në krim janë zbehur, ndërsa grupi hetimor ndoqi pistën e vrasjes së 21-vjeçares dhe nen hetim u vu një inspektor krimesh me të cilin ajo ka pasur një lidhje, fryt i së cilës ishte edhe fëmija që ajo priste. Ngjarja si përfundim mbeti e pazbardhur.
Sakaq mësohet se Ismailit i kanë vravrë edhe vëllanë në 1996-ën dhe dajën në 2006.
Gjatë një interviste për News 24 vetë Ismaili ka thënë se ndjehet i kërcënuar.
Intervista
Kur ndodhi shpërthimi?
Në orën 9 kishte shkuar tek shtëpia e plakut familjarisht për vizitë. Kemi qëndruar dy orë. Sa hapëm derën e shtëpisë, dëgjuam një shpërthim të fuqishëm. U shtrimë përtokë. U alarmuam, mjeti ishte copë-copë. Fati jonë që shpëtuam se ishim 4 m larg.
Keni pasur kërcënim më parë?
Kërcënim nuk kam pasur më kanë ndodhur ngjarje të rëndë. Nuk ndihemi të sigurt.
E dini se kush janë autorët?
Në këto vrasje asnjë autor të kapur.
Po ju keni marrë kërcënime gjatë kësaj kohe?
Para disa vitesh pranë pronës time tek xhamia kam pasur një ngjarje dhe ajo nuk u zbardh. Të gjitha janë të pazbardhura. Nuk e di se nga më vonë këto gjëra, të zbardhen ngjarjet dhe autorët të vihen para përgjegjësisë.
