Presidenti rus, Vladimir Putin, ka akuzuar Ukrainën se ka shkaktuar sulmin ndaj urës që lidh Rusinë me Krimenë. Ai e ka cilësuar ngjarjen si një “akt terrorizmi”.
Putin tha se forcat e inteligjencës së Ukrainës kishin synuar të shkatërronin një pjesë kritike të infrastrukturës civile të Rusisë.
Kjo deklaratë e tij erdhi në një takim me kreun e Komitetit Hetues të Rusisë, Alexander Bastrykin.
Zyrtarët thonë se tre persona u vranë nga shpërthimi në urë. Viktimat ishin në një makinë aty pranë kur shpërtheu një kamion, thonë zyrtarët rusë.
“Nuk ka dyshim, ky është një akt terrorizmi që synon të shkatërrojë infrastrukturën kritike civile të Rusisë. Autorët dhe përfituesit e tij janë shërbimet e sigurisë të Ukrainës”, tha Putin.
Sakaq, kreu i Komitetit Hetues të Rusisë tha se qytetarë të Rusisë dhe disa shtete të huaja kishin ndihmuar përgatitjet për sulmin./Opinion.al
