Disa persona u shoqëruan në Elbasan dhe Shkodër dhe po merren në pyetje për atentatin me eksploziv në Rus të Shkodrës ku tetë vete u plagosën, dy në gjendje të rëndë, në janar të këtij viti.
Abc News publikon pamjet e makinës që bëri transportin e motorit kamikaz, i cili shpërtheu me 900 gramë tritol. Motori me eksploziv u porosit në Elbasan. Nga atje u transportua me këtë makine tip furgon i cili u bllokua gjatë operacionit natën e shkuar në Elbasan. Nga verifikimet makina rezulton me dokumenta të rregullta dhe i përket një personi i cili ndodhet në Itali.
Ditën e atentatit, nga makina, një person zbriti motorin në lagjen “Rus”. Shënjestra e atentatit mendohet të ketë qenë Lulzim Kulla, aktualisht në spital.
Ky zbulim çoi në shoqërimin dhe ndalimin e pesë personave nga Elbasani dhe nga Shkodra. Ata po merren në pyetje lidhur me atentatin. Nuk dihet saktësisht roli i tyre me shpërthimin e 900 gramëve tritol disa javë më parë në Shkodër, por prokurorët dhe Krimet e Rënda vazhdojnë hetimet. Lexo edhe: Dyshimet per Celajt
