Inspektorati Shtetëror Teknik dhe Industrial ka bllokuar sot pikën e karburantit në Lezhë ku ndodhi shpërthimi pak ditë më parë. Grupi i inspektorëve vendosi të bllokojë pikën e karburantit pasi nuk përmbusheshin kushtet e sigurisë.
Mbrëmjen e së shtunës një shpërthim në një pikë karburanti në superstradën Lezhë-Laç plagosi 7 persona ndër të cilët ishin edhe dy të mitur. Ndërprerja e energjisë elektrike në zonë bëri që punonjësit të ndiznin gjeneratorin por në këtë moment u shkaktua një shkëndijë e cila bëri që bombolat e gazit të karburantit të shpërthejnë. Një makinë e parkuar aty pranë shpërtheu gjithashtu pasi ishte përfshirë nga flakët.
Dy prej të plagosurve ndodhen në QSUT, Tiranë, ndërsa sipas mjekëve ata kanë marrë dëmtime të shumta në pjesët e trupit, ku njëri prej tyre rezulton i djegur në shkallën 40% . /Opinion.al
